O Colexio Oficial de Psicoloxía de Galicia estrea nova web e edición dixital da revista especializada Cadernos de Psicoloxía

Santiago, 7 de febreiro de 2014. O Colexio Oficial de Psicoloxía de Galicia vén de publicar a revista especializada Cadernos de Psicoloxía a través da súa nova plataforma dixital http://cadernos.copgalicia.org/. Estréase así co número 34, dedicado á memoria, e inclúe ademais as dúas edicións anteriores.

O formato desta nova plataforma foi concibido pola deseñadora Uqui Permui, que destaca a incrible evolución desta revista que naceu antes de que existisen sequera os ordenadores: “Pasouse dun estilo de edición con collage, a estar considerando de continuo o deseño para darlle as maiores facilidades ao usuario dixital”.

Más Información:  Arquivo adxunto

Fonte: COPGALICIA

 

Profesionais da psicoloxía en Galicia afondan na avaliación neuropsicolóxica da memoria grazas ás escalas de Wechsler    

Santiago de Compostela, 27 de febreiro de 2014.- O Colexio Oficial de Psicoloxía de Galicia programa para os vindeiros días 28 de febreiro e 1 de marzo o curso “Avaliación neoropsicolóxica da memoria a través das escalas de Wechsler”. Trátase dunha actividade formativa impartida polos especialistas en Psicoloxía Clínica Jorge Bajo Lema e Vanessa Vilas Riotorto.

O obxectivo desta iniciativa é actualizar e afondar nos coñecementos en avaliación neuropsicolóxica da memoria a través das escalas de Wechsler. Esta metodoloxía é de grande utilidade nas avaliacións neuropsicolóxicas, xa que permite realizar unha análise polo miúdo de aspectos clinicamente relevantes da memoria.

Leer más...

O COPG reúne a expertos en Dereito e Psicoloxía para impartir o curso “Mediación en asuntos civís e mercantís”

Santiago de Compostela, 30 de xaneiro de 2014.- O Colexio Oficial de Psicoloxía de Galicia organiza a partir do 1 de febreiro o curso “Mediación en asuntos civís e mercantís”. O obxectivo é facilitar a formación na mediación de conflitos tan actuais como a reclamación de cantidades, desafiuzamentos, constitución e disolución de sociedades, morosos, impagos, etc.

A actividade consta de 100 horas e estará impartida por catedráticos, profesores universitarios e mediadores en exercicio, tanto do ámbito do Dereito como o da Psicoloxía. Celebrarase no Salón de Actos do COPG, en Santiago de Compostela e diríxese tanto a colexiados/as como ao resto de psicólogos/as en activo ou no paro.

Leer más...

O COPG organiza a xornada “Xestión da mente para a superación da violencia de xénero”

Santiago de Compostela, 23 de xaneiro de 2014.- O Colexio Oficial de Psicoloxía de Galicia programa para o vindeiro sábado 25 de xaneiro, a xornada “Xestión da Mente para a Superación da Violencia de Xénero”. A iniciativa, organizada pola Comisión Intersectorial de Xénero do COPG, está dirixida aos profesionais que se dedican a tratar mulleres afectadas por violencia de xénero, así como a homes implicados en tal situación.

O encargado de impartir o relatorio será Evandro Vieira Ouriques, terapeuta de base analítica, corporal e enerxética, con clínica no Rio de Janeiro, Brasil, recoñecido como Mellor Académico do Mundo polo Reputation Institute, de Nova York.

A actividade formativa desenvolverase no Salón de Actos do Colexio Oficial de Psicoloxía de Galicia, das 09:00 ás 20:00 horas. Poderán asistir psicólogos e psicólogas colexiadas (60 €), persoas colexiadas no paro e estudantes de Psicoloxía (30 €), ademais de profesionais non colexiados ou doutros sectores (120 €). A inscrición debe facerse nos locais do Colexio ou a través do correo electrónico do COPG ( Esta dirección electrónica esta protegida contra spam bots. Necesita activar JavaScript para visualizarla ).

Leer más...

Os psicólogos de emerxencias do COPG explican a asistencia prestada no accidente de Angrois a expertos suecos

Fuente: Colexio de Psicoloxía de Galicia

Fecha: 16 de xaneiro de 2014

Más información:  Documento adjunto