Santiago de Compostela, 2 de xuño de 2014.- O Colexio Oficial de Psicoloxía de Galicia convoca a sétima edición dos premios literarios “Rosa de Cen Follas”. Os autores e autoras que desexen participar teñen que remitir os seus textos orixinais, escritos en lingua galega, antes do vindeiro 13 de xuño.

Os galardóns contan coas categorías de lírica e narrativa. As obras que concorran deben ser inéditas e non premiadas con anterioridade e a súa temática é libre. Deberán ter unha extensión máxima de dúas páxinas, escritas por unha soa cara. Os premiados e premiadas recibirán 250 euros en cada categoría, ademais dun agasallo conmemorativo do concurso.

O xurado estará composto pola decana do COPG, Mª Rosa Álvarez Prada, a coordinadora da Comisión de Cultura do COPG, Mª Concepción Rodríguez Pérez, ademais de dous compoñentes de recoñecida traxectoria no mundo da cultura e das letras.

As bases completas do certame poden atoparse na páxina web do COPG www.cop.copgalicia.org.
 

O COPG aborda técnicas innovadoras baseadas na percepción sensorial para as terapias

Santiago de Compostela, 22 de maio de 2014.-  Algunhas das aplicacións de recente incorporación ás intervencións con pacientes serán obxecto de análise para os asistentes ao “Obradoiro: Técnicas Innovadoras na Práctica Psicolóxica”, organizado pola Sección de Psicoloxía da Intervención Social do Colexio Oficial de Psicoloxía de Galicia. A actividade formativa vaise celebrar o vindeiro 24 de maio, en horario de 11:00 a 18:00 horas, no Centro SOFROS (Avda. Dos Pazos 111-113, Camos-Nigrán).

O obxectivo principal deste curso é a adquisición de estratexias de avaliación e tratamento baseadas no manexo dos sentidos das persoas, como un instrumento que contribúa ao seu propio benestar. Os e as asistentes ao obradoiro aprenderán a poñer en valor sabores, olores e cores que rodean ao individuo e lle achegan calidade de vida. Tamén traballarán con elementos enriquecedores como a música e o ioga, ámbolos dous aplicables dentro da práctica psicolóxica.

Leer más...

Psicólogos e psicólogas de emerxencias fórmanse sobre as técnicas de autocoidado que precisan tras as súas intervencións

Santiago de Compostela, 22 de maio de 2014.- O Colexio Oficial de Psicoloxía de Galicia programa para os vindeiros días 23 e 24 de maio unha actividade formativa destinada aos membros do Grupo de Intervención Psicolóxica en Catástrofes e Emerxencias (GIPCE). Trátase dun curso teórico-práctico orientado ao autocoidado de intervenientes destinado, neste caso, a aquelas persoas que traballan en situacións de emerxencias (coidado de coidadores/as).

Os principais obxectivos deste curso son coñecer os riscos da intervención en emerxencias e os recursos de afrontamento cos que conta cada persoa e o equipo no seu conxunto; minimizar o impacto dos riscos psicosociais e favorecer a activación dos recursos propios, así como a adquisición de novas habilidades. Para conseguir isto empregarase unha metodoloxía grupal e participativa.

Leer más...

O Movemento Galego da Saúde Mental advirte de que o plan de peche da Unidade de Hospitalización Psiquiátrica do Hospital Gil Casares segue activo

Santiago de Compostela, 21 de maio de 2014.- Malia que se paralizou o plan das autoridades do SERGAS co que se pretendía pechar a Unidade de Hospitalización Psiquiátrica do Hospital Gil Casares de Santiago, o Movemento Galego da Saúde Mental advirte de que esta situación non é definitiva. Se ben é unha boa nova que se detivese o peche, grazas á firme oposición do sector profesional e da cidadanía que se foron sumando en contra dese plan, o Movemento ten coñecemento de que o plan de peche permanece activo.

Foron as fortes razóns nas que se fundamentaron para opoñerse profesionais e usuarios, así como o acceso e desvelamento dos datos e proxectos dos xestores, os que lograron que as autoridades retrocedesen nese obxectivo tan inaceptable. Pero desde o Movemento Galego da Saúde Mental aseguran que teñen datos fundados (ca mesma certeza que cando informaron de que os datos de ocupación do 50% eran falsos) que o plan de peche permanece activo, que prevén nos tempos inmediatos unha aplicación sistemática de medidas para desocupar progresivamente camas e logo “bloquealas” (na curiosa terminoloxía xerencial), e que finalmente intentarán pechar a Unidade cando alcancen a cantidade de “camas inactivas” que necesitan para argumentar o que pretenden. Nese plan as necesidades e os dereitos sanitarios non están a ser considerados, o obxectivo é meramente o de cadrar os balances. Desde o Movemento, do que forma parte o Colexio Oficial de Psicoloxía de Galicia, advirten de que prestarán moita atención a esta situación para tratar de impedila.

Leer más...

El director general de Relaciones Institucionales apoyó ayer ante la Asamblea General de Upcan la garantía que ofrecen los colegios profesionales a la sociedad

 

Santa Cruz de Tenerife, 9 de mayo de 2014.-  El director general de Relaciones Institucionales del Gobierno de Canarias, Teófilo González, invitado a participar en la Asamblea General Ordinaria que celebró ayer Unión Profesional de Canarias (Upcan), se erigió en el  más firme defensor de la colegiación obligatoria de los profesionales canarios, y aseguró que apoyará ante el ejecutivo autonómico esta tesis.

Recordó el posicionamiento “contrario y crítico” con el anteproyecto de ley de Colegios y Servicios Profesionales, que le fue remitido el pasado año por el Ministerio de Economía, al que se hicieron las aportaciones y alegaciones de los colectivos consultados en las islas. Por lo que anunció que, dentro del margen que permita la futura ley, que podría ser aprobada tras las elecciones europeas, “defenderemos a capa y espada la colegiación obligatoria”. Hay que tener en cuenta que la  normativa podría hacer que sea sólo exigible la colegiación a algunos profesionales e incluso para determinados ámbitos de actuación, lo que es cuestionado por su “falta de sentido” y  porque creará colegios “de primera y de segunda” categoría, según se expuso por varios representantes de corporaciones en la Asamblea.

Leer más...