O Centro de Estudos e Investigacións Turísticas (CETUR) convida a toda a comunidade da USC á xornada “Os beneficios da peregrinación como terapia de benestar. Mesas redondas e obradoiros”, que terá lugar o 7 de novembro no Salón de Graos da Facultade de Humanidades (Lugo). O evento busca analizar o Camiño de Santiago como espazo de benestar, convivencia e transformación persoal e territorial, así como reflexionar sobre o seu impacto en distintos ámbitos.

Esta actividade está co financiada pola Deputación de Lugo, a Cátedra do Camiño e o proxecto Pilgrimage as well-being therapy. Exploring mental, physical and social benefits of walking pilgrimage (PILGRIM-APHY-TOUR), seleccionado na oitava convocatoria Seed Funding da Universidade Europea para o Benestar (EUniWell).

Podes acceder ao programa completo ​aquí​. Recoméndase confirmar asistencia enviando un correo electrónico a cetur@usc.es.