O Nilo, Abu Simbel e Luxor nunha viaxe excepcional

Poucos lugares permiten contemplar cara a cara máis de cinco mil anos de historia. Exipto é un deles.

Unión Profesional de Galicia dá a coñecer unha nova proposta de Atlántida Travel para aproveitar a ponte de decembro cunha viaxe de oito días que percorre algúns dos grandes escenarios da civilización exipcia e incorpora unha circunstancia especialmente atractiva para os viaxeiros galegos: voos directos desde A Coruña.

A saída terá lugar o 6 de decembro de 2026 e o regreso está previsto para o día 13.

Un percorrido pola historia de Exipto

A viaxe comezará no Cairo, coa visita ás Pirámides de Guiza e á Esfinxe, para continuar polo novo Gran Museo Exipcio (GEM), a necrópole de Saqqara, o barrio copto e a Cidadela de Saladino.

Desde O Cairo, o grupo voará ata Abu Simbel, unha das grandes obras monumentais do antigo Exipto, antes de iniciar outra das experiencias protagonistas da viaxe: navegar polo Nilo.

Asuán, o templo de Philae, Kom Ombo, Edfu e Luxor irán debuxando un percorrido no que o río se converte no fío condutor para comprender unha civilización que continúa fascinando miles de anos despois.

O itinerario permitirá tamén coñecer o Val dos Reis, con entrada ás tumbas de Tutankamón e Ramsés VI; o templo de Hatshepsut, os Colosos de Memnón, Karnak e a casa de Howard Carter.

Entre as experiencias previstas atópase tamén un paseo en faluca ata o histórico Old Cataract, estreitamente ligado á figura de Agatha Christie e á súa novela Morte no Nilo, así como diferentes propostas gastronómicas durante o percorrido.

O valor de viaxar desde Galicia

A posibilidade de realizar os traxectos internacionais A Coruña-O Cairo-A Coruña sen escalas converte esta proposta nunha oportunidade especialmente cómoda para os profesionais galegos e as súas familias.

O programa contempla tres noites no Cairo, tres noites de cruceiro polo Nilo e unha noite en Luxor, ademais dos voos internos, guía de fala española durante as visitas, traslados, entradas, visado, asistencia en destino e os servizos especificados no programa.

Unha oportunidade para aproveitar a ponte de decembro descubrindo un dos grandes destinos culturais do mundo cun itinerario especialmente deseñado para coñecer Exipto en profundidade.

Datas: 6 ao 13 de decembro de 2026
Duración: 8 días / 7 noites
Saída: voo directo desde A Coruña
Prazas: suxeitas a dispoñibilidade.

Más noticias