Unión Profesional de Galicia, tal e como aconteceu o pasado ano, súmase á campaña Casilla Empresa Solidaria, impulsada dende EAPN Galicia-Rede Europea contra a Pobreza.

Co inicio do período da declaración do Imposto de Sociedades, comeza á campaña Casilla Empresa Solidaria. Unha iniciativa que asegura que, marcando este recadro, o 0,7 % da tributación se destine a financiar proxectos sociais. É unha acción voluntaria libre e a custo cero para as empresas e coa que se apoia a iniciativas de entidades do Terceiro Sector que promoven a inclusión, a igualdade e o benestar social de todas as persoas, en especial as que están nunha situación de maior vulnerabilidade.

EAPN Galicia-Rede Europea contra a Probreza, con apoio de Unión Profesional de Galicia, difunde esta información entre os Colexios Profesionais, organizacións e empresas de calquera tipo que deben facer a declaración do Imposto de Sociedades e que teñen a posibilidade de marcar a Casilla «outros caracteres – fins sociais’, se así o consideran.
Deixando claro que:
•    Non ten ningún custo.
•    Outorgaráselle o Selo de Empresa Solidaria que acredita como empresa que busca xerar un impacto positivo

 

Para máis información facilitamos as seguintes ligazóns:
•    https://eapn-galicia.com/galicia-supera-os-47-millons-de-euros-de-recadacion-na-casilla-empresa-solidaria-do-imposto-de-sociedades-en-2025-o-terceiro-incremento-mais-alto-de-espana/
•    www.casillaempresasolidaria.es