Participamos no Plan Europeo de Vivenda Asequible

A Comisión Europea presentará antes de final de ano o Plan Europeo de Vivenda Asequible, unha iniciativa destinada a mellorar o acceso á vivenda en toda a Unión Europea.

Na elaboración deste plan, Unión Profesional de Galicia participou activamente na consulta pública aberta pola Comisión Europea, dispoñible a través do seguinte enlace:
👉 Consulta pública do Plan Europeo de Vivenda Asequible.

Esta consulta permanecerá aberta ata o 17 de outubro de 2025, e Unión Profesional de Galicia xa comunicou a súa existencia aos colexios profesionais asociados para que tamén poidan achegar as súas opinións e propostas.

A Comisión busca recoller os puntos de vista das principais partes interesadas nos mercados de vivenda da UE, como proveedores de vivenda social, organizacións de propietarios e arrendatarios, o sector inmobiliario, industrias da construción e renovación, fabricantes de materiais e equipos, así como organizacións da sociedade civil, entidades financeiras, universidades, arquitectos, planificadores, e colectivos xuvenís e vulnerables.