Presentación do libro sobre Fernando Calvet no Día da Ciencia
O vindeiro 3 de outubro de 2025, ás 12:00 horas, a Facultade de Química da Universidade de Santiago acollerá a presentación do libro Fernando Calvet i Prats. Modernizador da química e promotor da industria farmacéutica en Galicia, no marco da celebración do Día da Ciencia en Galicia 2025.
O acto contará coa intervención de Juan Lema Rodicio, presidente da Real Academia Galega de Ciencias; Rosario Álvarez Blanco, presidenta do Consello da Cultura Galega; e Jesús Sanmartín Matalobos, decano da Facultade de Química da USC.
Posteriormente, celebrarase unha mesa redonda cos autores do libro, na que participarán Pedro Merino (coordinador da publicación e catedrático emérito da Universidade de Vigo), Manuel Freire Rama (catedrático de Bioquímica e Bioloxía Molecular da USC) e Francisco Díaz-Fierros Viqueira (catedrático de Edafoloxía e Química Agrícola da USC).
Fernando Calvet i Prats (1903-1988), nado en Vilafranca del Penedès, foi un científico de referencia internacional e pioneiro na modernización da química en Galicia. Na USC fundou o primeiro laboratorio de Química Orgánica e liderou a creación dos laboratorios Zeltia, desde os que se patentaron máis dunha decena de especialidades farmacéuticas nun só ano.
O acto rematará ás 13:00 horas co peche institucional.
Últimas noticias
Ciberseguridade en Galicia: alerta para profesionais
Unha alerta de seguridade informática pon o foco na protección dixital de despachos, consultas e empresas. Coñece as medidas de prevención.
Presentamos conclusiones de nuestra Mesa de la Vivienda
Unión Profesional de Galicia presenta las ocho conclusiones de su Mesa de la Vivienda, con propuestas sobre construcción, alquiler, fiscalidad y sostenibilidad.
Xuventude Mentoring: mentoría e emprego xuvenil
Xuventude Mentoring: mentoría e emprego xuvenil en GaliciaA décima edición do programa Xuventude Mentoring abre unha nova oportunidade para que a mocidade titulada de Galicia desenvolva as súas competencias, amplíe a súa rede de contactos e reciba o acompañamento de...