TaleS impulsa o talento emprendedor dos maiores de 50 anos

A experiencia profesional acumulada ao longo dos anos pode ser tamén o punto de partida para novos proxectos, ideas e oportunidades.

O Centro Internacional Santander Emprendimiento (CISE) e o Centro de Investigación Ageingnomics de Fundación MAPFRE lanzan a V edición de TaleS, un programa gratuíto destinado a persoas maiores de 50 anos que queiran emprender, reinventarse profesionalmente ou ampliar a súa rede de contactos.

A iniciativa conta coa colaboración dunha rede de 12 universidades públicas de toda España e ofrece formación práctica, metodoloxías áxiles, mentoría especializada e acompañamento para desenvolver e validar novas ideas.

Para participar non é necesario contar previamente cun proxecto empresarial definido. O punto de partida é a vontade de aprender, compartir experiencia e seguir achegando valor á sociedade.

Ademais, os participantes poderán optar a premios nacionais de ata 2.000 euros.

Desde Unión Profesional de Galicia contribuímos á difusión dunha iniciativa que pon en valor o coñecemento, a experiencia e a capacidade dos profesionais sénior para continuar desenvolvendo novos proxectos.

📅 Prazo de inscrición: ata o 30 de outubro.

Más noticias